Гарал үүсэл: Шинэ Зеланд болон Номхон далайн зарим арлуудаас гаралтай 13 зүйлтэй Аралиагийн овгийн цэцэгт ургамлын төрөл бөгөөд модлог, сөөг, ороонго хэлбэрээр ургадаг. XVIII зуунд амьдарч байсан Германы ботаникч И.Х.Шеффлерын нэрээр нэрлэгдсэн бөгөөд нийт 200 гаруй төрөл байдаг. Шүхэрлэг 8 навч нь савар адил саравгар хэлбэртэй. Бэлгэдэл: Саварганыг өөрөөр жижиг одой шүхэр мод гэх ба энэ ургамал нь ялангуяа Хятадад эд баялгийн бэлгэдлийн шинж чанартай байдаг. Фэн Шүйгийн үзлээр уг ургамлыг гэр бүлд эд баялаг авчирдаг, энергийн мод гэж үздэг. Мөн айл гэрийн бат бөх харилцаа, эрүүл мэнд, аюулгүй байдлыг бэлгэдэх ба бага зэрэг доошоо унжсан байдал нь шүхэртэй төстэй бөгөөд хамгаалалтын нөлөөтэй гэгддэг