1.1 “FreshPack” нь Фрэш Пак ХХК-ийн албан ёсны платформ бөгөөд энэхүү үйлчилгээний нөхцөл нь уг платформоор үйлчлүүлэх, бүтээгдэхүүн худалдах, түүнийг хүргэх, түгээхтэй холбоотой үүсэх бүхий л харилцааг зохицуулна.

1.2 Фрэш Пак ХХК нь Мерчант байгууллагын аливаа худалдааны баталгаа гаргахгүй бөгөөд бүтээгдэхүүний чанарын үнэн зөв, найдвартай байдлыг баталгаажуулах талаар ямар нэг алхам хийдэггүй болно.

1.3 “FreshPack” нь Мерчант байгууллагын бүтээгдэхүүн, үйлчилгээний мэдээллийг Хэрэглэгчдэд танилцуулах болон худалдан авалтыг цахимаар хийх боломжийг Хэрэглэгчид олгоно.

1.4 Хэрэглэгч нь “Freshpack” платформд нэвтэрч, бүртгүүлэхээс өмнө энэхүү Үйлчилгээний нөхцөлд тусгагдсан заалттай заавал танилцах үүрэгтэй бөгөөд хүлээн зөвшөөрсөн тохиолдолд “Би хүлээн зөвшөөрч байна.” гэсэн товчийг идэвхжүүлснээр Хэрэглэгч энэхүү үйлчилгээний нөхцөлийг бүрэн ойлгон хүлээн зөвшөөрсөнд тооцно. Хэрэв Хэрэглэгч нь өөрийн хайхрамжгүй байдал болон бусад шалтгааны улмаас Үйлчилгээний нөхцөлийг уншаагүй, бүрэн ойлгоогүй мэдээгүйгээр “Би хүлээн зөвшөөрч байна.” гэсэн товчийг идэвхжүүлсэн тохиолдолд Хэрэглэгчийг хүлээн зөвшөөрсөнтэй адил хууль эрх зүйн хувьд тооцох бөгөөд ямар нэгэн эрх, үүргээс чөлөөлөх үндэслэл болохгүй болно.

1.5 “FreshPack” платформын эх код, тэмдэгтүүд, нэр, лого болон бусад загварууд нь Монгол Улсын Оюуны Өмчийн тухай хууль, Зохиогчийн эрхийн тухай хууль болон Барааны тэмдэг, газар зүйн заалтын тухай хуулийн дагуу Фрэш Пак ХХК-ийн өмч мөн бөгөөд бусад этгээд хуулбарлах, олшруулах, дуурайх, зөвшөөрөлгүй ашиглахыг хориглоно. Хэрэв энэхүү заалт зөрчигдсөн нь илэрсэн тохиолдолд Фрэш Пак ХХК нь өөрт учирсан бүхий л хохирол зардлаа нэхэмжлэн хуулийн дагуу арга хэмжээ авна.

1.6 Үйлчилгээний нөхцөлд хэрэглэсэн дараах нэр томьёог дор дурдсан утгаар ойлгоно.

2.1 “FreshPack”-д Хэрэглэгчээр бүртгүүлэх тохиолдолд та өөрийн овог, нэр, төрсөн он, сар, өдөр, хүйс, утасны дугаар зэрэг хувийн мэдээллээ оруулснаар хэрэглэгчийн бүртгэл үүснэ.

2.2 Хэрэглэгч нь өөрийн мэдээллийн үнэн зөвийг бүрэн хариуцах бөгөөд буруу, худал мэдээлэл оруулсан тохиолдолд үүнээс үүдэн гарах аливаа хохирол, зардлыг Хэрэглэгч өөрөө бие даан хариуцна.Хэрэглэгч бүртгүүлэх үед утасны дугаарыг нэг удаагийн нууц үгээр баталгаажуулах бөгөөд бүртгэл үүссэний дараа нэвтрэх шинэ нууц үг зохиож, өөрийн бүртгэлийн мэдээллийн аюулгүй байдлыг хангах үүрэгтэй.

2.3 Хэрэглэгч нь “FreshPack” - рүү нэвтрэх бүртгэлтэй утасны дугаар болон нууц үгийг бусдад дамжуулахгүй байх, үүнтэй холбоотой учирч болох аливаа эрсдэлээс урьдчилан сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт учирсан болон бусдад учируулсан аливаа хохирлыг “ФрэшПак” ХХК нь хариуцахгүй болно.

2.4 Фрэш Пак ХХК-ийн Хүний хувийн мэдээллийн аюулгүй байдалтай холбоотой зохицуулалтыг энэхүү нөхцөлийн 11-р зүйлийн Нууцлал хэсэгт зохицуулав.

2.5 “FreshPack”-д Хэрэглэгчийн бүртгэл үүссэнээр хэрэглэгч нь бүтээгдэхүүн захиалах, төлбөр тооцоо хийх, захиалга хянах эрхтэй болно.

2.6 Хэрэглэгч нь бүтээгдэхүүн захиалсан тохиолдолд захиалгын мэдээлэл үйлчилгээний нөхцөлийн дагуу бүтээгдэхүүнийг хүлээн авах үүрэгтэй.

2.7 “FreshPack”- ийн хэрэглэгч нь платформын мэдэгдэл хэсгээр урамшуулалт аян, зар сурталчилгаа, нэмэлт үйлчилгээ зэрэг мэдээллүүдийг хүлээн авах бөгөөд мэдээллүүдийг хүлээн авахыг хүсэхгүй тохиолдолд платформын “Тохиргоо” цэсээр орон “Мэдэгдэл” хэсгийг унтрааж болно.

3.1 Хэрэглэгч бүтээгдэхүүн, үйлчилгээний мэдээлэлтэй сайтар танилцаж, захиалгаа сайн нягтлан баталгаажуулах үүрэгтэй.

3.2 Хэрэглэгч нь захиалга үүсгэснээс хойш 24 цагийн дотор төлбөрийг бүрэн төлснөөр захиалга баталгаажна.

3.3 Захиалгын төлбөр 24 цагийн дотор төлөгдөөгүй тохиолдолд захиалга автоматаар цуцлагдана. Цуцлагдсан захиалгыг дахин сэргээх боломжгүй бөгөөд Хэрэглэгч захиалгыг дахин шинээр үүсгэх боломжтой.

3.4 Хэрэглэгч 24 цагийн дотор захиалгын төлбөрөө төлөөгүйн улмаас захиалга цуцлагдсан тохиолдолд үүнтэй холбоотойгоор гарах аливаа хохирол, хариуцлагыг “Фрэш Пак” ХХК Хүлээхгүй болно. Мерчант байгууллагаас шалтгаалсан бүтээгдэхүүний тасалдал үүссэн тохиолдолд Хэрэглэгч рүү мэдээллийг цаг алдалгүй хүргэх бөгөөд Мерчанттай холбоотой асуудлыг “Фрэш Пак” ХХК нь хариуцахгүй болно.

3.5 Хэрэглэгч захиалга баталгаажуулах үедээ хүргэлт хийх хугацааг сонгож (өдөр болон цаг), хүргэлт хийх хаягийг үнэн зөв оруулна.

4.1 Хэрэглэгч захиалгын төлбөрийг бүрэн төлсөн тохиолдолд захиалга баталгаажсан төлөвт шилжинэ.

4.2 Захиалгын төлбөр 24 цагийн дотор төлөгдөөгүй тохиолдолд захиалга автоматаар цуцлагдана.

4.3 Хэрэглэгч бүтээгдэхүүн, үйлчилгээний мэдээлэлтэй сайтар танилцаж, захиалгаа давхар нягтлах үүрэгтэй бөгөөд Шоппер захиалгыг цуглуулж эхэлсэн төлөвтэй болсон тохиолдолд тухайн захиалгыг цуцлах боломжгүй.

4.4 Хэрэглэгч захиалгаа Шоппер цуглуулахаас өмнө төлөвт цуцалсан тохиолдолд банкны гүйлгээний шимтгэл 1%-г суутгаж үлдэгдэл төлбөрийг “FreshPack” платформын хэрэглэгчийн Хэтэвч рүү шилжүүлнэ. Хэтэвчин дэх мөнгөө хэрэглэгч банкны данс руугаа шилжүүлэн авах боломжтой.

4.5 Хэрэглэгчийн захиалсан бүтээгдэхүүн Мерчант байгууллага дээр дууссан тохиолдолд Шоппер орлуулах бүтээгдэхүүнийг санал болгох ба тухайн орлуулсан бүтээгдэхүүнээс үүсэх зөрүү нэхэмжлэлийг хэрэглэгч төлөх, буцаалт төлбөр үүссэн бол “FreshPack” платформын хэрэглэгчийн Хэтэвч рүү шилжүүлнэ.

5.1 Хэрэглэгч захиалгын НӨАТ-ын баримтаа ХУВЬ ХҮН эсвэл БАЙГУУЛЛАГА дээр хүлээн авах боломжтой.

5.2 Захиалга амжилттай хүргэгдсэний дараа Захиалгын түүх хэсэгт НӨАТ-ын баримт бүртгэгдэж орно.

6.1 Хэрэглэгчийн захиалсан бүтээгдэхүүн Мерчант байгууллага дээр байхгүй тохиолдолд Харилцагчийн үйлчилгээний төвөөс хэрэглэгчтэй холбогдож бүтээгдэхүүн орлуулахыг санал болгох ба тухайн үед хэрэглэгч дуудлага болон чатанд хариу өгөөгүй тохиолдолд Шоппер тухайн бүтээгдэхүүнийг цуцалж болно.

6.2 Хэрэглэгч үнийн зөрүүтэй бүтээгдэхүүнээрорлуулж буй тохиолдолд “FreshPack” платформоор нэхэмжлэл хүргүүлэх ба тухайн нэхэмжлэлийг захиалга хүргэгдэхээс өмнө төлөөгүй бол Шоппер захиалгыг хэрэглэгчид олгохоос татгалзаж болно.

6.3 Хэрэглэгч захиалсан үнийн дүнгээс бага дүнтэй бүтээгдэхүүнээр орлуулсан тохиолдолд буцаалт төлбөрийг “FreshPack” платформын хэрэглэгчийн Хэтэвч хэсэг рүү шилжүүлэх бөгөөд хэрэглэгч Хэтэвчин дэх мөнгөө банкны данс руугаа шилжүүлэн авах боломжтой.

7.1 Захиалгын төлбөр төлөгдөж баталгаажснаас хойш Хэрэглэгчийн сонгосон хугацаа, заасан хаягт хүргэх үүргийг “Фрэш Пак” ХХК нь энэхүү нөхцөлд заасан нутаг дэвсгэрийн хязгаарлалтын дагуу хэрэгжүүлнэ.

7.2 Хот доторх хүргэлт нь Улаанбаатар хотын дараах хязгааруудад хийгдэнэ. Үүнд:

7.3 Хүргэлтийн хугацаа нь шуурхай болон хуваарьт хүргэлт гэсэн 2 төрлийн сонголттой ба Хэрэглэгч захиалга үүсгэхдээ хүргэлтийн хугацааг өөрт тохируулан сонгож, зөв оруулна.

7.4 Хуваарьт хүргэлт нь хэрэглэгчийн сонгосон өдөр, цагт хүргэгдэнэ.

7.5 Шуурхай хүргэлтийн хугацаа захиалга баталгаажсанаас хойш тооцогдох ба хоол хүргэлт 60-90 минут, бусад категорийн бүтээгдэхүүн 90-120 минутын дотор хүргэгдэнэ.

7.6 Хэрэглэгч захиалгын бүтээгдэхүүнийг хүлээн авах хаяг, холбоо барих утасны дугаараа үнэн зөв бөглөх үүрэгтэй ба буруу мэдээллээс болж үүдэн гарах зардал, алдагдлыг Хэрэглэгч хариуцна.

7.7 Хүргэлтийн төлбөр нь захиалсан бүтээгдэхүүний ангиллаас хамааран тооцогдоно. Үүнд:

7.8 Дээрх хүргэлтийн төлбөр нь хүргэлтийн байршил хүртэлх 2 км доторх үндсэн тариф бөгөөд 2 км-ээс хэтрэх болон захиалгын бүтээгдэхүүний нийт жингээс шалтгаалан нэмэлт төлбөр бодогдоно.

7.9 Шуурхай хүргэлтийн нэмэгдэл төлбөр нь бүтээгдэхүүний ангиллаас хамааран нэмж тооцогдоно. Үүнд:

7.10 Хэрэглэгч захиалга үүсгэсэн хаягаас өөр байршилд захиалгаа хүргүүлэх хүсэлт гаргасан тохиолдолд км тутамд 1,800 төгрөг тооцон, хаягийг өөрчлөн хүргэх боломжтой.

7.11 Хэрэглэгч архи, согтууруулах ундаа болон электрон тамхины ангиллын бүтээгдэхүүн захиалсан тохиолдолд Согтууруулах ундааны эргэлтэд хяналт тавих, архидан согтуурахтай тэмцэх тухай хууль болон Тамхины хяналтын тухай хуулийн дагуу Хүргэлтийн ажилтан захиалга хүлээн авч буй Хэрэглэгчийн бичиг баримтыг шалгасны үндсэн дээр хүлээлгэн өгөх бөгөөд Хэрэглэгч татгалзсан эсхүл 21 насанд хүрээгүй тохиолдолд Хүргэлтийн ажилтан захиалгыг хүлээлгэн өгөхгүй.

7.12 7.11 дүгээр заалтад үндэслэн хэрэглэгчид хүлээлгэн өгөөгүй тохиолдолд бүтээгдэхүүний буцаалтыг хийхдээ хүргэлтийн төлбөрийг суутгаж хэрэглэгчийн Хэтэвч хэсэг рүү шилжүүлнэ.

7.13 Хэрэглэгч нь Монгол Улсад үйлчилж буй хүчин төгөлдөр хуулийн дагуу Хүргэлтийн ажилтны тавьж буй шаардлагыг биелүүлэх үүрэгтэй бөгөөд хүндэтгэлтэй харьцах үүрэгтэй. Энэхүү үүргээ биелүүлээгүй хэл амаар доромжилсон, эд хөрөнгө болон бие махбодод нь хохирол учруулсан тохиолдолд холбогдох хуулийн дагуу зохих арга хэмжээг авч шийдвэрлүүлнэ.

7.14 Захиалгын явцын төлвийг “FreshPack” платформын “Захиалга цэс”-ээс хянах боломжтой.

7.15 Давагдашгүй хүчин зүйлс, хорио цээрийн үе, зам тээврийн засвар үйлчилгээ болон төрийн эрх бүхий байгууллагын зохицуулалтаас үүдэн хүргэлтийн хугацаа хойшлох тохиолдолд тухайн үеийн дүрэм журам, зааврын дагуу ажиллах ба хэвийн горимд шилжих хүртэл хэрэглэгчийн захиалгыг хойшлуулж болно.

8.1 Хэрэглэгчийн захиалсан бүтээгдэхүүний тоо ширхэг захиалгаас зөрүүтэй, бүтээгдэхүүний хугацаа дууссан, бүтээгдэхүүний амт чанар болон хэлбэр бүтцэд чанарын өөрчлөлт орсон зэрэг шалтгаанаар үйлчлүүлэгч бүтээгдэхүүнийг буцаах болон солих эрхтэй.

8.2 Хэрэглэгч хүргэлтээр хүлээн авсан бүтээгдэхүүнээ буцаах болон солих тохиолдолд хүргэлтээ авсан өдрөөс хойш 24 цагийн дотор хүсэлт гаргах эрхтэй.

8.3 Хэрэглэгч хүсэлт гаргахдаа Харилцагчийн үйлчилгээний лавлах 7777-5020 дугаарт эсвэл info@freshpack.mn имэйл хаяг руу хандана.

8.4 Хэрэглэгчийн хүсэлтийг шаардлагатай тохиолдолд зургаар баталгаажуулах бөгөөд гэмтэлтэй, чанарын доголдолтой болох нь нотлогдсон тохиолдолд буцаах, солих арга хэмжээг авна.

8.5 Захиалгыг бэлтгэх явцад нөөц дууссан бүтээгдэхүүнийг орлуулж болох бөгөөд Харилцагчийн үйлчилгээний төвөөс хэрэглэгчтэй холбогдож, зөвшөөрөл авч орлуулсан тохиолдолд буцаах, солих боломжгүй.

8.6 Захиалга буцаалтын төлбөрийг 72 цагийн дотор “FreshPack” платформын хэрэглэгчийн Хэтэвч хэсэг рүү шилжүүлэх бөгөөд хэрэглэгч Хэтэвчин дэх мөнгөө банкны данс руугаа шилжүүлэн авах боломжтой.

9.1 Хэрэглэгч “FreshPack”-н үйл ажиллагаатай холбоотой санал хүсэлт, гомдол гаргах эрхтэй бөгөөд санал хүсэлт, гомдлыг Харилцагчийн үйлчилгээний лавлах 7777-5020 дугаарт эсвэл info@freshpack.mn имэйл хаяг руу хүсэлт илгээнэ.

9.2 Хэрэглэгчийн гаргасан гомдол, саналыг хүлээн авч, “FreshPack”-ийн холбогдох алба хэлтэс рүү шилжүүлж, асуудлыг судлан шаардлагатай арга хэмжээг авч шийдвэрлэнэ. Хариу арга хэмжээнд сэтгэл хангалуун бус байгаа тохиолдолд Монгол улсын шүүхэд хандаж хуулийн дагуу шийдвэрлүүлэх боломжтой.

10.1 Хэрэглэгч нь бүртгүүлэхдээ үнэн зөв мэдээлэл, одоогийн хэрэглэж буй утасны дугаараа өгөх ёстой ба хэрэв өөрчлөгдсөн тохиолдолд Тохиргоо цэсийг ашиглан мэдээллээ шинэчлэх ёстой.

10.2 Хэрэглэгч нь өөрийн бүртгэлийн мэдээллийн аюулгүй байдал болон гүйлгээний аюулгүй байдлыг өөрөө хариуцна.

10.3 Хэрэглэгч нь манайхаас шууд зөвшөөрөл олгосноос бусад тохиолдолд та манай зохиогчийн эрх, барааны тэмдэг, домэйн нэр, лого, худалдааны дүр төрх, худалдааны нууц, патент болон бусад оюуны өмчийн эрхийг ашиглаж болохгүй.

11.1 Бид Монгол Улсын Хувь хүний нууцын тухай хууль, Байгууллагын нууцын тухай хууль болон Монгол Улсын бусад холбогдох хууль тогтоомж, олон улсын холбогдох гэрээ хэлэлцээр, дүрэм журамд заасны дагуу энэхүү нөхцөлийг боловсруулсан бөгөөд энэхүү нөхцөл нь тэдгээр холбогдох хууль тогтоомжоор зохицуулагдана.

11.2 Бид хэрэглэгчин бүртгэлд зориулан танаас таны овог, нэр, төрсөн он, сар, өдөр, хүйс, утасны дугаар зэрэг мэдээллийг авна.

11.3 Бид хууль тогтоомжоор зөвшөөрөгдсөн хүрээнд төрийн үйлчилгээ үзүүлэгч байгууллага болон банк, санхүүгийн байгууллага зэрэг гуравдагч этгээдээс тэдгээртэй байгуулсан гэрээний үндсэн дээр Таны талаарх мэдээллийг цуглуулж болох бөгөөд уг ажиллагаа нь Хэрэглэгч таних ажиллагааг хялбарчлах, сайжруулах, Бидэнд мэдээлэл гаргаж өгөх Таны үйлдлийг хөнгөвчлөх зорилготой байна.

11.4 Бид Таны Хувийн мэдээллийг зөвхөн таныг таних үйл ажиллагааны хүрээнд таньж мэдэх, Танд “FreshPack”-ийн үйлчилгээ үзүүлэх, мөн хүчин төгөлдөр үйлчилж буй хууль тогтоомж болон эрх бүхий байгууллагаас баталсан дүрэм журам, шаардлагын дагуу хүлээсэн үүргээ биелүүлэх зорилгоор ашиглах болно.

11.5 Бид Таны Хувийн мэдээллийг дараах зорилгоор ашиглана. Үүнд:

11.5.1 Танд бүртгэлийн хаяг үүсгэх;

11.5.2 Хэрэглэгч таних ажиллагаа;

11.5.3 Хэтэвч нээх, ашиглах, цэнэглэх ба зарлагын гүйлгээ гаргах, хэтэвчийн хуулга ба мэдээлэл авах;

11.5.4 Захиалга хийх;

11.5.5 Бүртгэлийн хаяг болон Хэтэвчийн аюулгүй байдал, нууцлалыг хадгалах;

11.5.6 Таны санал хүсэлт, гомдлыг хүлээн авах, шийдвэрлэж өгөх;

11.5.7 Тантай холбогдох, захидал харилцаа солилцох;

11.5.8 Татварын хууль тогтоомж, Эрүүгийн болон Зөрчлийн хууль тогтоомжийг биелүүлэх, аливаа зөрчил, гэмт хэргээс урьдчилан сэргийлэх;

11.5.9 Танд “FreshPack”-ийн болон гуравдагч этгээдийн гаргаж буй шинэ бүтээгдэхүүн үйлчилгээг санал болгох, тэдгээрийн мэдээллийг өгөх;

11.5.10 Зах зээлийн судалгаа хийх (Танаас урьдчилан зөвшөөрөл авснаас бусад тохиолдолд Бид Таны хувийн мэдээллийг нууцлах болно);

11.5.11 Хуулийн болон зохицуулах байгууллагуудтай хамтран ажиллаж, хуулиар хүлээсэн үүргээ биелүүлэх;

11.5.12 Бусад үйлчилгээ.

11.6 Бид Таны Хувийн мэдээллийг Монгол Улсын холбогдох хууль тогтоомжид заасан хугацаанд хадгалах үүрэгтэй.

11.7 Бид Үйлчилгээний нөхцөлд заасны дагуу зөвхөн 18 насанд хүрсэн иргэдэд үйлчилгээ үзүүлэх бөгөөд насанд хүрээгүй аливаа этгээдийн хувийн мэдээллийг цуглуулахгүй, ашиглахгүй, хадгалахгүй болно. Хэрэв өөрийн мэдээллийг худал илгээж бүртгэл үүсгэсэн тохиолдолд бүртгэлийг хааж холбогдох арга хэмжээг авна.

11.8 Бид Таны компьютер, IP хаяг, үйлдлийн систем, бровзер хөтөч зэргийн мэдээллийг цуглуулж болох бөгөөд уг мэдээллийг зөвхөн хууль тогтоомж, журмын зөрчлөөс сэргийлэх, Таны Бүртгэлийн хаяг болон Хэтэвчийн аюулгүй байдал, нууцлалыг хадгалах зорилгоор болон хууль тогтоомжоор зөвшөөрсөн эсхүл шаардсан нөхцөлөөр л ашиглах болно.

11.9 FreshPack интерфэйсийг ашиглах хэрэглэгчдэд зориулан интерфэйсийг сайжруулах зорилгоор күүки мэдээллийг цуглуулж, ашиглах бөгөөд “FreshPack”-ийн баталсан “Күүки бодлого”-ыг баримтална.

11.10 Та манай Үйлчилгээг ашиглах үед хэрэв системд алдаа гарах тохиолдолд бид таны утсан дээрх Лог Дата (гуравдагч этгээдийн бүтээгдэхүүнээр дамжуулан)-г цуглуулах болохыг бид танд мэдэгдэж байна. Энэхүү Лог Датанд таны утасны интернэт протокол (“IP”) хаяг, төхөөрөмжийн нэр, үйлдлийн систем, Үйлчилгээг ашиглах үе дэх апп-ийн тохиргоо, Үйлчилгээ ашиглалтын огноо, цаг болон бусад статистик мэдээллүүд хамаарна.

11.11 Бид таныг манай Үйлчилгээг суулгах, нэвтрэн орох, ашиглах үед таны төхөөрөмжтэй холбоотой мэдээллийг цуглуулж авна. Үүнд техник хангамжийн мэдээлэл, үйлдлийн системийн мэдээлэл, хайлтын системийн мэдээлэл, IP хаяг, утасны дугаар болон төхөөрөмж тодорхойлогч зэрэг үүрэн холбооны сүлжээний мэдээлэл хамаарна. Хэрэв та холбоо барьж буй хүнтэйгээ байршлын мэдээллээ хуваалцах, ойролцоо газруудын байршлыг харах, эсвэл бусад этгээд тантай байршлын мэдээллээ хуваалцах зэргээр манай байршлын үйлчилгээг ашиглах болон ийнхүү байршлын үйлчилгээтэй холбоотой гарсан аливаа хүндрэл, асуудлыг оношлох, шийдвэрлэх зорилгоор бид таны төхөөрөмжийн байршлын мэдээллийг авах болно.

11.12 Та манай апп доторх хэрэглэгчийн бүртгэл устгах сонголтыг ашиглан хэдийд ч хэрэглэгчийн бүртгэлээ утсгах (хэрэв хүсвэл таны мэдээллийг ашиглах зөвшөөрлөө мөн адил цуцлах) боломжтой. Та Хэрэглэгчийн бүртгэлээ устгах үед манай сервер дээр хадгалагдаж байсан таны хүргэгдээгүй мессэжүүд болон манай Үйлчилгээг хэрэгжүүлэх, үзүүлэхэд цаашид шаардагдахгүй бусад бүх мэдээллүүд устана. Та манай апп доторх хэрэглэгчийн бүртгэл устгах сонголтыг ашиглалгүй гагцхүү төхөөрөмж дээрх манай Үйлчилгээний апп-ийг утсгасан бол таны мэдээлэл удаан хугацаагаар хадгалагдах болохыг анхаарна уу. Түүнчлэн та хэрэглэгчийн бүртгэлээ устгасан нь тантай холбоотой бусад хэрэглэгчийн мэдээлэл, тухайлбал танаас тэдэнд илгээсэн мессэжүүд зэрэгт нөлөөлөхгүй.

11.13 Бид хууль тогтоомжоор шаардсан болон шүүх бусад эрх бүхий байгууллагын шийдвэр, шаардлагын дагуу Танд урьдчилан мэдэгдэх, зөвшөөрөл авалгүйгээр Хувийн мэдээллийг гуравдагч этгээдэд шилжүүлэх боломжтой. Бид дээрхээс өөр шалтгаанаар Таны Хувийн мэдээллийг гуравдагч этгээдэд задруулах тохиолдолд Танд урьдчилан мэдэгдэж зөвшөөрөл авна.

11.14 Таны бидэнд итгэж найдан өгч байгаа Хувийн мэдээллийг бид эрхэмлэх ба бид тэдгээрийг хамгаалахын тулд өөрсдийн бүхий л хүчин чармайлтыг гарган ажиллана.

12.1 “FreshPack” платформоор зарагдаж буй аливаа бүтээгдэхүүний гуравдагч байгууллагаар явж буй зар сурталчилгаа, мэдээ мэдээлэл болон хэрэглэгчийн бүтээгдэхүүн чанар, ашиглалттай холбоотой аливаа эрсдэлийг “FreshPack” хариуцахгүй ангид байна.

13.1 FreshPack нь Үйлчилгээний нөхцөлд өөрчлөлт оруулах эрхтэй бөгөөд өөрчлөлт оруулсан тохиолдолд тухай бүр FreshPack дээр нийтэд нээлттэй нийтлэх ба нийтэлсэн өдрөөс эхлэн хүчин төгөлдөрт тооцогдох бөгөөд хэрэглэгч нь тухай бүр танилцах үүрэгтэй.

13.2 Хэрэглэгчийг захиалга хийгдэх үед хүчинтэй байсан үйлчилгээний нөхцөл захиалгыг хүргэх шатанд өөрчлөгдсөн тохиолдолд өмнөх үйлчилгээний нөхцөлийг үндэслэн бараа, бүтээгдэхүүнийг хүлээж авах хүртэлх хугацаанд хүчинтэйд тооцох болно.